Pakistan  |  International  |  Business  |  Sports  |  Showbiz  |  Technology  |  Health  |  Wonder  |  Weather  |  Columns

منی لانڈرنگ کیس؛ آصف زرداری کا آج سپریم کورٹ میں پیش ہونے کا فیصلہ

 آصف زرداری نے قانونی و سیاسی رہنماؤں سے مشاورت کے بعد آج سپریم کورٹ میں پیش ہونے کا فیصلہ کیا . فوٹو : فائل

آصف زرداری نے قانونی و سیاسی رہنماؤں سے مشاورت کے بعد آج سپریم کورٹ میں پیش ہونے کا فیصلہ کیا . فوٹو : فائل

منی لانڈرنگ کیس میں سابق صدر آصف علی زرداری نے آج سپریم کورٹ میں پیش ہونے کا فیصلہ کرلیا۔

ایکسپریس نیوز کے مطابق 35 ارب روپے کے منی لانڈرنگ اسکینڈل میں پیپلزپارٹی کے شریک چیئرمین آصف علی زرداری اور ان کی بہن فریال تالپور گزشتہ روز ایف آئی اے کے روبرو پیش نہیں ہوئے تاہم ان کی قانونی ٹیم ایف آئی اے کے سامنے پیش ہوئی جب کہ ذرائع کا کہنا ہے کہ آصف زرداری نے قانونی و سیاسی رہنماؤں سے مشاورت کے بعد آج سپریم کورٹ میں پیش ہونے کا فیصلہ کرلیا ہے۔

اس خبر کو بھی پڑھیں :آصف زرداری اور فریال تالپور ایف آئی اے کے روبرو پیش نہیں ہوئے

ذرائع کے مطابق وکلا کی ٹیم بھی آصف علی زرداری کے ہمراہ ہو گی جب کہ پارٹی رہنماؤں کو سپریم کورٹ میں ساتھ لے جانے کا ابھی فیصلہ نہیں کیا گیا ہے تاہم نیئر بخاری اور فرحت اللہ بابر کا سابق صدر کے ہمراہ عدالت جانے کا امکان ہے۔

یہ بھی پڑھیں : آصف زرداری اور فریال تالپور کے نام ای سی ایل میں شامل

واضح رہے کہ سپریم کورٹ نے منی لانڈرنگ اسکینڈل میں ملوث تمام افراد کو آج سپریم کورٹ اسلام آباد طلب کررکھا ہے جب کہ سپریم کورٹ کے حکم پر آصف زرداری اور ان کی بہن فریال تالپور سمیت 35 افراد کے نام ای سی ایل میں شامل کیے گئے ہیں۔


News Source

منی لانڈرنگ کیس؛ آصف زرداری کا آج سپریم کورٹ میں پیش ہونے کا فیصلہ

تبصرہ کریں