Pakistan  |  International  |  Business  |  Sports  |  Showbiz  |  Technology  |  Health  |  Wonder  |  Weather  |  Columns

نواز شریف اور بچوں کو نیب عدالت میں پیش ہونے کا حکم

نواز شریفتصویر کے کاپی رائٹ
Getty Images

Image caption

نیب کے حکام نے ان ریفرنس میں نگراں مقرر کیے گئے سپریم کورٹ کے جج جسٹس اعجاز الاحسن کو آگاہ کر دیا ہے

قومی احتساب بیورو کی عدالت کے جج محمد بشیر نے سابق وزیرِ اعظم نواز شریف اور ان کے بیٹوں کو 19 ستمبر کو عدالت میں پیش ہونے کا سمن جاری کیا ہے۔

نیب عدالت نے کہا ہے کہ آف شور کمپنیوں کے معاملے پر ان پر جو الزامات لگے ہیں ان کا جواب دینے کے لیے نواز شریف، حسن نواز اور حسین نواز کی عدالت میں موجودگی لازمی ہے۔

یہ سمن بیرونِ ملک قائم آف شور کمپنیوں کے کیس سے متعلق ہے۔ اس کے علاوہ نیب نے احتساب عدالت میں العزیزیہ سٹیل مل اور لندن فلیٹ کے بارے میں بھی ریفرنس جمع کروائے تھے۔ نیب نے کہا ہے کہ احتساب عدالت کے رجسٹرار کی طرف سے ان ریفرنسوں میں کچھ خامیوں کی نشان دہی کی گئی تھی، جنھیں اب دور کر دیا گیا ہے۔

متعلقہ عدالت کے رجسٹرار کے مطابق ان دونوں ریفرنسوں کی جانچ پڑتال کا عمل جاری ہے، جس کے بعد یہ احتساب عدالت میں بھجوا دیے جائیں گے۔

اس کے علاوہ وفاقی وزیرِ خزانہ اسحاق ڈار کے خلاف بھی ریفرنس دائر ہے جو معلوم ذرائع آمدنی سے زیادہ اثاثے بنانے سے متعلق ہے، اور اس کی بھی جانچ پڑتال جاری ہے۔

Image caption

نواز شریف کو بھیجے گئے سمن کی نقل

یاد رہے کہ اس سے قبل نواز شریف اور ان کے بیٹے ان ریفرنسوں کی تیاری کے سلسلے میں نیب کی تفتیشی ٹیم کے سامنے پیش نہیں ہوئے تھے اور ان کا موقف تھا کہ 28 جولائی کو نواز شریف کی نااہلی کے فیصلے میں سپریم کورٹ نے نیب کو ریفرنس بھیجنے کی ہدایات جاری کی تھیں اس لیے ان کے نیب کی تفتیشی ٹیم کے سامنے پیش ہونے یا نہ ہونے سے کوئی فرق نہیں پڑتا۔

نواز شریف اور ان کے بچوں نے 28 جولائئ کے فیصلے سے متعلق نظرثانی کی درخواست دائر کر رکھی ہے جس میں یہ استدعا بھی کی گئی ہے کہ جب تک سپریم کورٹ نظرِ ثانی کی ان درخواستوں کا فیصلہ نہیں کرتی اس وقت تک نیب کے حکام کو ان کو ان ریفرنس پر مزید کارروائی سے روکا جائے۔


News Source

نواز شریف اور بچوں کو نیب عدالت میں پیش ہونے کا حکم

loading...

تبصرہ کریں