Pakistan  |  International  |  Business  |  Sports  |  Showbiz  |  Technology  |  Health  |  Wonder  |  Weather  |  Columns

مصروفیت سو لفظوں کی کہانی- مبشر علی زیدی

مجھے رزق فراہم کرنے کی ذمے داری ایک فرشتے کے سپرد ہے۔
وہ کبھی کبھی نظر آتا ہے۔
تنہائی میں باتیں بھی کرتا ہے۔
ایک دن میں کسی کام میں مصروف تھا۔
فرشتہ ظاہر ہوا اور یاد دلایا،
’’عبادت کا وقت ہو رہا ہے۔‘‘
میں نے کہا،
’’آج بہت مصروف ہوں۔
عبادت کل کر لوں گا۔‘‘
فرشتہ کندھے اچکا کر غائب ہو گیا۔
اس دن میں رزق سے محروم رہا۔
رات کو میں نے فرشتے کو یاد کیا۔
وہ ظاہر ہوا تو پوچھا،
’’آج میرا رزق کیوں نہیں پہنچایا؟‘‘
فرشتے نے کہا،
’’آج بہت مصروف ہوں۔
رزق کل پہنچاؤں گا۔‘‘


Source

مصروفیت سو لفظوں کی کہانی- مبشر علی زیدی