Pakistan  |  International  |  Business  |  Sports  |  Showbiz  |  Technology  |  Health  |  Wonder  |  Weather  |  Columns

پیار، نفرت اور علحیدگی پر مبنی ڈرامہ ’میرا رب وارث‘

پاکستانی اداکار دانش تیمور اور اداکارہ مدیحہ امام بہت جلد ایک ساتھ ’میرا رب وارث‘ نامی ڈرامے میں کام کرتے نظر آئیں گے جس کی کہانی شادی شدہ جوڑوں کے غیر ازدواجی تعلقات پر مبنی ہے۔

اداکار دانش تیمور کا کہنا ہے کہ ان کے اس ڈرامے میں پیار، نفرت اور علحیدگی دکھائی جائے گی۔

دانش تیمور اس ڈرامے میں حارث نامی ایسے مرد کا کردار نبھارہے ہیں جو آزاد خیال اور غیر مذہبی ہے جس کی شادی ایک مذہبی خاتون سے ہوجاتی ہے۔

مدیحہ امام اس ڈرامے میں دانش تیمور کی اہلیہ عائشہ کا کردار نبھاتی نظر آئیں گی، جسے اپنے مذہبی خیالات کے باعث شوہر اور سماج کی جانب سے مزاحمت کا سامنا کرنا پڑے گا۔

مدیحہ امام کا کہنا تھا کہ ’اس ڈرامے کی کہانی عائشہ کے سفر پر مبنی ہے جسے اپنے خیالات کے باعث لوگوں کی تنقید کا سامنا کرنا پڑے گا تاہم وہ پھر بھی خود کو تبدیل نہیں کرے گی‘۔

مدیحہ کے مطابق جہاں لوگوں کو زندگی گزارنے کے لیے شادی، بچے اور تعلیم ضروری نظر آتی ہے وہیں عائشہ کے کردار کے لیے چیزیں مختلف ہوں گی کیوں کہ اس کے لیے اپنا مذہب سب سے اہم ہوگا۔

دانش اور مدیحہ دونوں کا کہنا تھا کہ انہوں نے اسکرپٹ کی وجہ سے ڈرامے میں کام کرنے کی حامی بھری۔

اس ڈرامے کا اسکرپٹ جہانزیب قمر نے تحریر کیا ہے، جبکہ اس کی کاسٹ میں سیمی پاشا، عابد علی، تنویر جمال، فضیلہ قاضی، احسن محسن اکرام، شامین خان اور حرا حسین بھی موجود ہیں۔

 

install suchtv android app on google app store


News Source

پیار، نفرت اور علحیدگی پر مبنی ڈرامہ ’میرا رب وارث‘

شناختی عنوان:,

تبصرہ کریں