Pakistan  |  International  |  Business  |  Sports  |  Showbiz  |  Technology  |  Health  |  Wonder  |  Weather  |  Columns

نیوزی لینڈ کی مسجد میں فائرنگ سے 6 افراد جاں بحق، بنگلادیشی کرکٹ ٹیم بال بال بچ گئی

حملہ آور شخص کو گرفتار کرلیا ہے جس نے فوجی وردی پہن رکھی ہے، نیوزی لینڈ پولیس۔ فوٹو: سوشل میڈیا

حملہ آور شخص کو گرفتار کرلیا ہے جس نے فوجی وردی پہن رکھی ہے، نیوزی لینڈ پولیس۔ فوٹو: سوشل میڈیا

کرائسٹ چرچ: نیوزی لینڈ کی مسجد میں فائرنگ سے 6 افراد جاں بحق، متعدد زخمی ہو گئے جب کہ دورہ پر موجود بنگلادیشی کرکٹ ٹیم بھی اس حملے میں بال بال بچ گئی۔

خبر ایجنسی کے مطابق نیوزی لینڈ کے شہر کرائسٹ چرچ کی مسجد میں مسلح شخص کی فائرنگ سے 6 افراد جاں بحق، متعدد زخمی ہو گئے جب کہ وہاں دورہ پر موجود بنگلادیشی کرکٹ ٹیم بھی اس حملے میں بال بال بچ گئی۔ مسلح شخص کی جانب سے فائرنگ نماز جمعہ کے دوران کی گئی تاہم حملہ آور شخص کو نیوزی لینڈ پولیس نے گرفتار کرلیا ہے جس نے فوجی وردی پہن رکھی ہے۔

نیوزی لینڈ پولیس نے شہریوں کو متاثرہ مسجد سے دور رہنے کی کردی ہے، کرائسٹ چرچ کی دیگر مساجد خالی کرالیا گیا ہے جب کہ اسپتالوں میں ایمرجنسی نافذ کردی گئی ہے۔ خبر ایجنسی کے مطابق شہر کے گرجا گھر اور اسکول بھی بند کردیئے گئے۔

عینی شاہدین کا کہنا ہے کہ فائرنگ نماز جمعہ کے 10 منٹ بعد شروع ہوئی جب کہ ایک شخص آٹو میٹک رائفل کے ساتھ مسجد میں داخل ہوا اور اندھا دھند فائرنگ شروع کردی۔

دوسری جانب بنگلادیشی کرکٹ ٹیم کے کپتان تمیم اقبال کرکٹ نے کہا کہ ٹیم حملے کے وقت مسجد میں موجود تھی اور اسی دوران ٹیم کے ارکان نے مسجد سے بھاگ کر جان بچائی تاہم ہمارے تمام کرکٹر محفوظ ہیں۔

ادھر وزیراعظم نیوزی لینڈ کی جانب سے جاری بیان میں کہا گیا ہے کہ آج نیوزی لینڈ کی تاریخ کا سیاہ ترین دن ہے۔


News Source

نیوزی لینڈ کی مسجد میں فائرنگ سے 6 افراد جاں بحق، بنگلادیشی کرکٹ ٹیم بال بال بچ گئی