Pakistan  |  International  |  Business  |  Sports  |  Showbiz  |  Technology  |  Health  |  Wonder  |  Weather  |  Columns

گھریلو تشدد؛ خواتین کی شکایات کے ازالے اور ٹاسک فورس بنانے کا حکم

 خواتین پر گھریلو تشدد سے متعلق تحریری فیصلہ جاری، ڈی آئی جیزآگہی مہم چلائیں، یتیم خانوں اور شیلٹرز ہومز کی تفصیل طلب۔ فوٹو:فائل

 خواتین پر گھریلو تشدد سے متعلق تحریری فیصلہ جاری، ڈی آئی جیزآگہی مہم چلائیں، یتیم خانوں اور شیلٹرز ہومز کی تفصیل طلب۔ فوٹو:فائل

 کراچی: سندھ ہائی کورٹ نے گھریلو تشدد کی شکار خواتین کی درخواستوں پر ضلعی سطح پر خصوصی ٹاسک فورس بنانے اور متعلقہ مجسٹریٹس کو خواتین کی شکایات کا فوری ازالہ کرنے کا حکم دے دیا۔

جسٹس صلاح الدین پہنور پر مشتمل سنگل بینچ کے روبرو گھریلو تشدد کی شکار خواتین کی مختلف درخواستوں کی سماعت ہوئی، عدالت عالیہ نے خواتین پر گھریلو تشدد سے متعلق تحریری فیصلہ جاری کردیا۔

عدالت نے ضلعی سطح پر گھریلو تشدد کی شکار خواتین کے لیے خصوصی ٹاسک فورس بنانے کا حکم دیتے ہوئے گھریلو تشدد کی شکار خواتین کو متعلقہ مجسٹریٹس سے رجوع کرنے کی ہدایت کردی۔

جسٹس صلاح الدین پنہور نے علاقہ مجسٹریٹس کو خواتین کی شکاتیوں کا فوری ازالہ کرنے کی ہدایت کی ہے عدالت نے جاری فیصلے میں کہا ہے کہ سندھ حکومت خواتین پر تشدد روکنے سے متعلق قانون پر عمل در آمد کرنے میں ناکام رہی، سندھ حکومت خواتین پر تشدید کو روکنے کے قانون پر سختی سے عمل درآمد کرائے۔

جسٹس صلاح الدین پنہور نے متعلقہ ڈی آئی جیز کو آگہی مہم چلانے کی ہدایت کردی، عدالت نے یتیم خانوں اور شیلٹرز ہومز کی تفصیلات بھی طلب کر لیں۔


News Source

گھریلو تشدد؛ خواتین کی شکایات کے ازالے اور ٹاسک فورس بنانے کا حکم