Pakistan  |  International  |  Business  |  Sports  |  Showbiz  |  Technology  |  Health  |  Wonder  |  Weather  |  Columns

واٹس ایپ کا یہ نیا فیچر کارآمد یا دل توڑ دینے والا؟

دنیا کے مقبول ترین میسنجر واٹس ایپ کے صارفین کی تعداد ڈیڑھ ارب سے زائد ہے اور ان میں سے بھی بیشتر افراد گروپس میں چیٹ کرنا پسند کرتے ہیں۔

تاہم اب واٹس ایپ میں ایسا فیچر متعارف کرا دیا گیا ہے جسے آپ بیک وقت فائدہ مند اور دل توڑ دینے والا بھی قرار دے سکتے ہیں۔

اس فیچر کے ذریعے گروپ کے صارفین کو چیٹ کا حصہ بننے سے روکا جاسکے گا اور ایڈمن کی منظوری کے بغیر کوئی میسج اس گروپ کا حصہ نہیں بن سکے گا۔

یہ بھی پڑھیں : واٹس ایپ کی 14 بہترین ٹرکس

جی ہاں اس فیچر کے ذریعے گروپ ایڈمن کے پاس یہ پاور ہوگی کہ وہ میسج سیٹنگز میں تبدیلی کرکے گروپ میں پوسٹنگ صرف ایڈمنز تک محدود کردے۔

واٹس ایپ کے مطابق اس نئی سیٹنگ سے اہم گروپ بات چیت کے دوران غیرضروری فارورڈ پیغامات کو کم کرنے میں مدد مل سکے گی۔

یہ فیچر اس حوالے سے بھی اہم ہے کہ اس سے واٹس ایپ گروپس کو افواہوں یا غیرتصدیق شدہ معلومات پھیلنے سے روکنے میں مدد مل سکے گی۔

کمپنی کی جانب سے جاری بیان کے مطابق لوگوں گروپس کو اہم اعلانات اور معلومات کے حصول کے لیے استعمال کرتے ہیں، یا اپنے قریبی رشتے داروں، دوستوں کے ساتھ رابطے بڑھاتے ہیں، اب ہم ایسی نئی سیٹنگز متعارف کرارہے ہیں جو ایڈمنز کو ان گروپس کو بہتر طریقے سے استعمال کرنے میں مدد دے گا۔

اس فیچر کو استعمال کرنے کے لیے کسی گروپ کی ونڈو اوپن کرکے اوپر موجود نام پر کلک کریں اور پھر گروپ سیٹنگز، سینڈ میسجز اور سلیکٹ اونلی ایڈمنز پر چلے جائیں۔

اسکرین شاٹ

یہ سیٹنگز دنیا بھر میں تمام صارفین کے لیے دستیاب ہے، اگر نہیں تو واٹس ایپ کو اپ ڈیٹ کرلیں۔

یہ بھی جانیں : واٹس ایپ میں پیغامات شیڈول کرنا سیکھیں

گزشتہ ماہ واٹس ایپ نے گروپس کے لیے چند دیگر فیچرز بھی متعارف کرائے تھے، جن میں ایڈمنز کو گروپ ڈسکرپشن ایڈ کرنا اپنے حد تک محدود کرنے، گروپس سیٹنگز میں نئے کنٹرولز، ایڈمن کو سبجیکٹ، آئیکون بھی دیگر اراکین کو بدلنے سے روکنا شامل ہیں۔

خیال رہے کہ ایک واٹس ایپ گروپ میں 256 افراد کو شامل کیا جاسکتا ہے۔


News Source

واٹس ایپ کا یہ نیا فیچر کارآمد یا دل توڑ دینے والا؟