Pakistan  |  International  |  Business  |  Sports  |  Showbiz  |  Technology  |  Health  |  Wonder  |  Weather  |  Columns

محکمہ موسمیات نے خشک سالی الرٹ جاری کر دیا

محکمہ موسمیات نے کراچی سمیت ملک کے دیگر شہروں کے لیے خشک سالی الرٹ جاری کرتے ہوئے کہا ہے کہ معمول سے کم بارش ہونے کے باعث سندھ کے مختلف حصے معتدل سے شدید خشک سالی کی لپیٹ میں ہیں۔

سندھ کے انتہائی متاثرہ علاقوں میں تھرپارکر، مٹیاری، جیکب آباد، حید آباد، دادو، قمبر شہداد کوٹ اور عمر کوٹ شامل ہیں۔

محکمہ موسمیات نے بارش نہ ہونے سے آئندہ دنوں میں کراچی کا بھی خشک سالی کی لپیٹ میں آنے کا خدشہ ظاہر کیا ہے۔

محکمہ موسمیات کا کہنا ہے کہ خشک سال سے ملتان، میانوالی، گلگت اور ارگرد کے علاقے بھی متاثر ہیں۔

محکمہ موسمیات کے خشک سالی الرٹ میں بلوچستان کے 9 شہروں کوئٹہ، دالبندین، نوکنڈی، گوادر، پنجگور، پسنی، اوماڑہ، تربت اور جیونی کو شدید متاثر قرار دیا گیا ہے۔

خشک سالی کی صورتحال پر محکمہ موسمیات نے یہ دوسرا الرٹ جاری کیا ہے۔ اس سے قبل جون میں خشک سالی سے متعلق پہلا الرٹ جاری کیا گیا تھا۔

install suchtv android app on google app store


News Source

محکمہ موسمیات نے خشک سالی الرٹ جاری کر دیا